2025 byr opp til dans, og leverer oss eit aldeles strålande turver på årets fyrste uteskuledag i 1. og 2. klasse.
Tema denne veka var vatn i ulike former. Med det som bakteppe, la me avgarde på plastpinnar oppå iskrystallar, vatnet sin magiske tilstand, over skog og hei. Turen tok oss med til Sinnes vassverk der me observerte kor vatnet i krana kjem i frå, og at vatnet gjerne ikkje frys sjølv om det er minusgrader ute.
Etter kvart vende me nasen sørover att, og i strålande solskin la me turen om Klampen, der 3. og 4. klasse hadde slått leir. Her kosa dei seg med bål og pinnebrød, i tillegg til litt tradisjonell skirenning.
Ein super start. Så då er det berre å kryssa fingrane for fleire flotte turdagar framover i 2025!