Allessandro Cresci og Kjetil Steinsland ga 6. klassingane i Austevoll ei utfordring på å sjå innovativt på problemstillinga rundt støy i havet, med fokus på effekter av skip og havvind på gytefelt for torsk. 6. klassingane Kristi Berit, Matilde, Ronja og Even frå Selbjørn skule si løysing på problemet med støyforstyrring på gytefelt inneheldt så mange verkelege oppegåande, nytenkande og tekniske løysingar, som både kunne nyttast for å overvåke gytefeltet, varsle i sann tid via kart kvar skipstrafikken må halde bedre avstand, utnytte fornybar energi og også ei rekke løysinger på fornybar energiproduksjon frå strøm heller enn vind, at dei gjekk heilt til topps i fylkesfinalen. Det var ein stolt gjeng som blei overrarska av ordførar Bente Kari, Kjetil Steinsland frå Havforskningsinstituttet, ei representant frå Ungt entrepenørskap, Marsteinen og rektor Hege etter at seieren var offentliggjort. Elevane fekk mykje skryt for den kreative, nytenkande og ikkje minst miljøvenlege løysinga dei hadde på utfordringa. Heile klassen blei premiert med is og gåvekort på 3000 kr som klassen kan bruke på noko kjekt i lag. Dei blei og invitert på omvisning på Havforskningsinstituttet i Austevoll. 

Gratulerer til kontaktlærar Magne og elevane i 6. klasse.