På biblioteket møtte Ketil oss i døra, alle helste høfleg på han med handtrykk. Me gjekk inn i barneavdelinga der me først leika ein gamla leik; "tyven tyven" - alle song og blinka og leika, ikkje kvar dag me får synga på biblioteket! Etterpå fortalde Ketil oss eit eventyr, gjengen er heilt imponert over at han hugsar så mange eventyr og forteljinger utanatt. Til slutt fekk me låna med oss eit hav av bøker som me skal kosa oss med både i lesekvart og som ventebøker i klasserommet. Vel oppe igjen måtte me ha ein lesekvart før me kunne gå ut til friminutt og leika litt til. Den leiken me leika på biblioteket var så gøy at me avslutta skuledagen med den og!